Siggw iga’q aq Listugujewaq nenaqite’tmi’tij ugjit usgaqan siggwgewei ap maja’s’gtn.

Gi’s te’suguna’q esgmajig na Rodney aq Pie’l ugtuluwal nugu’ gisgategl ugjit me’ga’suatm’g na 2019ewei usgaqan.

Nige’ Siggewigu’s 11 te’sugunit, Migwite’tm, ula na’gweg na migwite’tmu’g na wetqolugsi’gweg 1981eg, na telia’q ‘ms’t goqwei sa’se’wa’s’g’p Listugujg.

Listugujg na Plamu ne’gaw tleiawit ta’n telo’ltimg Mi’gmewigtug, Pam attigna’sit ta’n telugwej angweiwajig Plamu’g.

Blayze gisita’sit ijga’papuaqana’tun nmjinigejuwei usgaqan, aq Walter amujpa ango’tg ugtul muta pusgisuisga’s’g.

Jill, Ricky aq Oakley na ugjigsu’ltijig gwilmi’tij ta’n usgewaqan aq Mi’gmewi’suti tellugweg sapa’tun ula gm’tginu.

Ta’n nujiango’taqatijig sgmawenua’tu’tij sipu aq niganite’tmi’tij apoqonmatmnew.

Josh to’q gisita’sit ugjit apajapsnmn ugtlogowaqanm, gaptnewuti muta entoqop muta amujpa nige’ tellugwet ‘s’tge pas’g lugowinuj.

Gasgiptlnaqann Km pi’tawg weja’tegemg Listugujg, a’lutasultijig weltesgua’tijig sma’gnisg ta’n najiatlasmultijig Kedgwick Lodge.

Usgaqan ijga’ naqa’s’g ugjit miawnipg, gatu Lita aq na ta’n mawlugutijig ugjit Mawio’mi ginita’jig gigpesaq gisna welateg.

Stephen aq ta’n mawlugutijig ugtuluaq GC Macdonald mnawita’jig ugmuljin te’suguna’q getantu’tij puwelpituiptlnaqan engaqann tegwiaq’sitewe’g.

Ugwisit aq ujjit toqinmjinegejue’gejig Albert aq Chris amujpa milintawa’qa’tegejig ugjit gaqa’tunew ugna’gwegmuow samqwanigtug.

Mu welte’tmi’tigw G’pno’lewe’g usgaqan nujo’tmi’tij gatu Listugujewaq pojijagejue’ga’tijig, elapultijig enmigne’g ugjit me’ alsumsultinew aq ‘ntuisgewei nme’juaqan ula’s’gtn.